政府呼籲市民打新冠病毒疫苗反應麻麻,係咁宣傳都成效唔大,勢估唔唔到最近有地產商出招,話只要打咗或預約去打針,就有機會參加抽獎,獎品就係觀塘千萬豪宅一層。消息一出,社交媒體被洗晒版,個個都諗緊有無機會成為幸運兒。

咁樣抽獎送層樓大家可能覺得不可思議,其實呢條橋早响廿年前已經有發展商用過。大概係响1998年,可口可樂就聯同華星唱片推出可樂大激想抽獎,只要買由陳奕迅、楊千嬅同梁漢文嘅專輯《大激想》,或者買可口可樂,就可以參加抽獎。至於頭獎,厲害喇!就係將軍澳新都城單位,一共有三位幸運兒可以得到。由於新都城當時係新落成,地產商同華星以及可口可樂合作可以話係三羸嘅宣傳。

所以話,咁多年嚟,喺香港只要係送層樓做獎品,迴響就一定大。

原圖:takungpao、carousell