其實早前三星堆時隔35年再次進行發掘，仲出土一塊巨大黃金面具殘片，當時就已經引起中外嘅考古學界同埋文物愛好者嘅興趣，而近排三星堆遺址嘅考古工作又有新進展，喺最新嘅出土文物入面又有一塊金面具殘片。

據考古團隊描述，呢塊金面具殘片嘅耳仔、口嘅輪廓都相當清晰，係相當重要嘅考古價值。而呢次發掘嘅6個三星堆祭祀坑入面，就搵到土象牙，青銅器、金器、玉石器等等一共500幾件文物，仲未計埋其他文物殘片。由於有咁多重要嘅發現，甚至仲喺8號坑嘅位置搵到灰燼層，咁亦都意味住考古團隊有機會進一步了解到當時古人祭祀嘅儀式。

於是，喺「走進三星堆讀懂中華文明」主題活動入面，當局就表明會興建一個高質量嘅三星堆博物館新館，仲會聯合金沙遺址申報世界文化遺產、加快建設三星堆國家遺址公園，聽到阿史都真係相當期待啊！

原圖嚟自網絡