喺美國當地時間嘅星期二,俄克拉荷馬州塔爾薩(Tulsa)就舉行住一個活動,而呢個活動就係「塔爾薩大屠殺」100周年嘅紀念活動。到底一場咩事會令到100年之後嘅市民都仍然悼念,甚至仲會同美國政府抗爭呢?阿史今次就同大家介紹下啦!

喺上世紀初,位於塔爾薩嘅格林伍德社區係當時黑人聚居地,而由於當時呢個區域嘅黑人都比較有錢,所以呢個區域當時又被稱為「黑人華爾街」。去到1921年5月31日,當時就有一批白人種族主義者入到呢個區域,一言不合就大肆破壞放火,先係令到呢個區域變成廢墟,而喺接住落嚟嘅兩日,佢哋就連續對呢個區域嘅黑人進行屠殺,事件最終造成300名黑人死亡,仲有接近1萬人流離失所。

之不過,呢件咁嚴重嘅種族屠殺並冇得到美國政府嘅正視,甚至唔少官方紀錄都已經遺失、學校亦都冇正式教導呢段歷史,直到舊年嘅反種族歧視示威爆發之後,呢件事先得到公眾慢慢正視。

原圖嚟自網絡