早幾日阿史就同大家介紹到外國友人喺抗日戰爭期間點樣令到世界認知到日本嘅惡行,呢批外國友人除咗有早前介紹嘅魏璐詩之外,接下嚟阿史要介紹嘅呢位陳必第都係相當重要嘅人物。

陳必第出生喺加拿大,因為喺奧爾根大學讀書期間參加咗交換生計劃而喺1936年嚟到中國廣州嶺南大學讀書。之不過,喺1937年抗日戰爭就爆發,當時陳必第並冇選擇離開,反而係參加咗外國團體組織傷員護理工作,救助咗唔少中國。當時陳必第深知道呢場戰爭相當殘酷,亦都希望令到世界可以意識到呢一點,於是佢就秘密買咗一位美國記者喺淪陷區影低嘅相,相片中正係係日軍殘殺中國人嘅罪證。

陳必第冒住生命危險,將呢啲相帶出日軍關卡再送到美國,並且刊登到一份美國報紙上,當時引起極大嘅反響,亦都到世界開始關注呢場殘忍嘅戰爭。而冇幾耐,陳必第就同一份中國留學生結成夫妻,仲喺1940年返到中國生活,即使去到後來抗美援朝期間,家境唔富裕嘅陳必第仍然將自己僅有嘅寶石戒指捐出畀中國人民志願軍,後來仲入籍中國,真係相當難得!

原圖嚟自網絡