12年前出土「唐朝純金棺材」 至今都冇人敢打開?

每當喺考古遺址發現到文物、棺材，唔少考古學家都會想盡快打開研究，之但係原來有一副喺12年前就已經出土嘅「唐朝純金棺材」，嚟到今時今日都仲未有人敢打開，到底當中有咩原因呢？阿史今次就同大家介紹下啦！

早喺12年前山西省太原嘅一個村落入面，就有一個考古團隊發掘出一具長度21公分、寬10.5公分、高13公分嘅純金棺材。呢具棺材貴重嘅地方唔單止在於係純金，而係喺棺材上本身就刻有精緻花紋、佛家圖案，部分地方仲有銅片裝飾，種種跡像都表明棺材嘅主人一定唔係一個普通人。

咁問題嚟喇，明知棺材嘅主人地位舉足輕重，有重大嘅研究價值，咁點解考古團隊仲未開始研究呢？原來呢具棺材固定嘅方法竟然只係用到一條絲綢製嘅蝴蝶結，而棺材出土至今已經有好多年歷史，到底點樣打開蝴蝶結而又可以避免絲綢風化，呢個難題困擾咗考古學家好多年。由於無辦法恢復文物原貌，所以考古團隊只好暫時放棄打開，將純金棺材放喺博物館保存。