中國第一位冬奧會冠軍 楊揚

繼續同史友們介紹我國嘅精英運動員，早前就同大家介紹咗跳水同埋田徑嘅運動員，今次就同大家介紹一項相對偏門但又好刺激嘅運動，呢項就係短道速滑喇！而提起我國呢項運動嘅精英運動員，相信史友們腦海中都會浮現出楊揚呢個名。

楊揚出生喺1976年嘅黑龍江，係一名短道速滑運動員，而唔講唔知，其實同樣係短道速滑運動員嘅仲有另一位出生喺1977年嘅楊揚，所以有一段時期傳媒係以「大楊揚」同「小楊陽」嚟區分佢哋。楊揚早喺九歲就開始學習滑冰，十歲就參加比賽並且好快就入到哈爾濱體育運動學校改練短道速滑，仲喺十五歲嘅時候拎到自己第一個全國冠軍，自此就開展國家隊之路。

喺十七歲入選國家隊嘅果一年，楊揚盲幫國家隊拎喺到世界錦標賽接力賽事贏得冠軍，其後又喺亞洲錦標賽獲得接力冠軍500米亞軍以及1500米、1000米賽事季軍，成績真係嚇親人。而喺2002年鹽湖城冬奧會上，她就為中國爭光，拎到第一枚冬季奧運會金牌，喺佢20年運動生涯入面，佢一共就拎到59個世界冠軍，係迄今獲得世界冠軍最多嘅中國運動員。楊揚喺退役之後，就成為國際奧委會委員及世界反興奮劑組織副主席，繼續為運動界貢獻。