讀書時期喺課本上面畫公仔相信唔少人細過都曾經做過,咁到底古時嘅小朋友又會唔會咁做呢?近排出土嘅一件文物上就有類似嘅事發生!

早前我國嘅考古學家就喺甘肅敦煌出土一卷《吉凶書儀》,呢本書就係唐代末年人李文義與好友、敦煌文人李明振共同完成,記載古代文人討論重要問題嘅一書札,入面嘅內容就會有典禮儀注、家訓等。文卷中記載李文義對細佬李文進嘅期待,仲有教導弟弟做人處事、寫字、識圖,有好高嘅歷史價值。

而當專家進一步研究呢個發現果陣,就突然喺文卷背面見到有13幅塗鴉,就咁睇畫作唔似係專業畫師所為,係當時有人用毛筆喺紙張上畫出牛、鼠、豬、龍、猿及羊等動物,估計就係兒童圖畫,至於係邊個畫呢,專家就表示仍不清楚,有可能係李明振、李文義為教導弟弟認字識圖所作,亦都有可能係李文進自己畫,呢個發現就真係認真有趣!

原圖嚟自網絡