東條英機等骨灰已被撒落太平洋？

每當提到上世紀日本發動侵略亞洲戰爭，好多時都會講到日本嘅軍國主義人物東條英機。呢位被認定為二戰入面嘅甲級戰犯，最近有人就發現佢副遺骨嘅下落。

當年日本投降之後，東條英機被捕入獄，並對佢戰爭罪行審訊。1948年11月12日，東條英機被同盟國東京軍事法庭以甲級戰犯嘅罪名，判處絞首死刑。但原來東條英機在內七名侵華戰犯被處決後，屍骨下落就無被公開過。最近，日本法學學者高澤弘明响美國國家檔案館搵到份檔案，就記載咗七名戰犯遺骨下落。由現場負責人、美軍少校弗瑞森撰嘅《戰爭罪犯的處決和屍體最終處理相關詳細報告》記載，佢哋七人响1948年12月23日被執行死刑，遺體先運去美軍响橫濱市嘅駐地，好快就運到去當地火葬場火化。七人骨灰被倒入骨灰壇後，就被運到上美軍軍機上，美軍就响橫濱以東約30英里太平洋上空將骨灰撒落大海。

其實以往都有七名戰犯骨灰被撒落大海嘅講法，不過一直就無相關嘅檔案文件。至於點解要响骨落大海呢？一名美軍高層曾經提及過，呢個做法係就為咗避免有人將甲級戰犯墓地視為「神聖」。