提到去郊外玩樂嘅指定活動,放風箏當然就係數一數二嘅熱門悠閒活動,而呢項活動甚至仲有上千年嘅歷史,但唔講又唔知大家知唔知,其實「放風箏」並唔係用嚟玩,而係用作軍事用途架!

相傳風箏係起源中國,但最初嘅風箏並唔係用紙做,而係用木做,喺春秋時代墨子發明之後,「魯班」就對呢項設計加以改做(亦都有講法係指由魯班發明),製成「木鳶」。喺《渚宮舊事》入面就有記載指,魯班「嘗為木鳶,乘之以窺宋城」,就可以見到當時「木鳶」嘅用途。

咁到底呢樣發明點解會同軍事扯上關係呢?據講喺楚漢之爭期間,當時韓信就曾經喺風箏上綁上竹笛,當啲風一唱過嘅時候就會發出陣陣哀鳴,配合埋漢軍嘅笛聲高唱楚歌,形成「四面楚歌」;而去到宋朝果陣,甚至仲有人將載有炸藥嘅風箏送到敵方陣營引爆炸藥殺敵,令到「風箏」真係有軍事嘅用途。之不過,去到唐朝嘅時候,風箏逐漸變成玩具,仲加設埋絲條或竹笛作成響器,風吹聲鳴,就有咗「風箏」呢個名喇!

原圖嚟自網絡