林肯曾經下令絞死印第安部落神職人員？

早幾日阿史就同大家講到美國總統麥迪森喺1814年頒佈法令為每張印第安人頭皮開價50至100美元不等，鼓勵美國人對印第安人展開無差別屠殺，而當時就有史友留言話其實仲有另一位美國總統都相當殘忍，而呢位就係林肯喇！

林肯係第十六任美國總統，領導美國參與南北戰爭，自此之後仲廢除奴隸制，解放所有奴隸，所以佢被稱為美國歷史上最偉大嘅總統之一。之但係，原來呢位總統曾經下令絞死印第安部落神職人員，製造咗美國歷史上最大規模嘅冤殺死刑出嚟。

喺1862年果陣，呢位總統就下令絞死30幾個明尼蘇達州印第安部落神職人員、政治領袖，而呢班人當中甚至係冇犯過佢哋所被控告嘅罪行，成件事亦都冇經過法庭辯論，只係由每十分鐘判刑一個，而且係每個人都被判死刑。唔單止咁，事後美國政府仲通過設置「保留地」，強制兒童接受美式教育等，徹底瓦解毀滅印第安文化。