講起阿史心目中排行頭十名嘅博物館，北京故宮絕對係當中嘅數一數二，而近排就有一個博物館迷應該會幾鍾意嘅消息，就係香港嘅故宮文化博物館將會喺明年七月開放。

據報導，香港故宮文化博物館目前就已經完成咗幕牆同埋緊急車道等工程，，內部建築物嘅裝修亦都喺明年三月至四月完成，預計全館就會設有九個展廳，當中七個就會做專題展覽、兩個就會做短期展覽。換言之，即係到時有大把文物可以畀大家欣賞。

講到博物館，建築設計當然係重要，但最重要嘅始終都係文物。館長吳志華就表示，喺出年博物館開放嘅時候，北京故宮將會借出880年展品由北京運抵本港，呢次咁大規模嘅展品轉移亦都係自北京故宮創立以來借出最多文物嘅一次，據講仲有唔少都係珍貴嘅文物，名單就會喺今年九月公布，大家真係可以期待一下啊！

原圖嚟自網絡