早幾日阿史就同史友們介紹開抗戰時期嘅外國友人系列,早兩日介紹到嘅陳必第同埋魏璐詩都係喺求學期間機緣巧合嚟到中國,而呢次阿史要介紹嘅人物身份就有啲唔同,事關佢踏足中國果陣其實係一位美國二戰老兵嚟架。

阿史所講嘅之唔係就係沙博理!佢喺1947年第一次踏足中國嘅土地,當時就識到佢嘅老婆、曾經幫過上海地下黨進行工作嘅一位演員鳳子。亦都係因為鳳子,沙博理當時接觸到好多進步人士,受到唔少思想影響,更令佢愛上中國呢片土地,決心投身於中國革命。

喺沙博理同鳳子1948年結婚之後,當時沙博理都係一齊從事地下嘅革命工作,而喺新中國成立之後,沙博理就成為對外文化聯絡局英文翻譯,後來佢仲喺1963年加入中國國籍,成為第六屆至第十二屆全國政協委員,係咁多外裔全國政協委員入面任期最長、年齡最大嘅一位。

喺1984年嘅時候,沙博理其實曾經得到一次喺人民大會堂進行大會發言嘅機會,當時發言稿就係由奧地利裔魏璐詩、加拿大裔陳必娣共同起草,佢哋喺發言中就提到「我們國外移民來的政協委員,也能夠真正參與,而且有用。中國人把在組織機構裏作為擺設而不起作用的人叫做『花瓶』。我們已經表明,我們不是外來的附屬物。」

原圖嚟自網絡