之前介紹過考古學家响甘肅敦煌出土一卷《吉凶書儀》，文卷背面就有牛、鼠、豬、龍、猿及羊等13幅動物塗鴉。阿史見到呢段報道，就諗起清華大學收藏嘅戰國楚竹簡。

點解咁諗呢？因為清華簡其中一部分，就有一隻好似馬騮咁嘅圖案。呢個咁得意有趣嘅圖案，其實並唔係馬騮，而係一個叫聖人卦位圖。竹簡上嘅其實係聖人，並唔係馬騮。呢個聖人卦位圖藏於《筮法》竹簡中，當中有啲箭咀、三角形同橫間符號，其實係同身體部位畫有相對應嘅象徵卦象，首、口、耳、腹、股、手、足標以經卦。而較特別嘅係，聖人圖中所繪嘅卦象，同《易經》說卦傳所載「乾為首，坤為腹，震為足，巽為股，坎為耳，離為目，艮為手，兌為口」有啲出入。有學者指呢個現象可能係當時八卦之說，尚有唔同嘅解釋方法。

原圖：bsm.org.cn