中英《展拓香港界址專條》在北京簽字

對新界嚟講，當年嘅今日就係一個好特別嘅日子，事關中英《展拓香港界址專條》就係喺1898年6月9日喺北京進行簽字，亦都意味住「新界」出現。

喺十九世紀末，列強就企圖瓜分中國，而英國當時亦都係其中一份子。當初英國喺1860年代就已經唔打算再擴張喺中國嘅土地，之不過去到1890年代未，西方列強開始挑戰英國在華霸權，日本透過《馬關條約》逼中國各地賠款、1898年德國租借山東膠州99年、俄國租借遼東半島旅順同大連25年，其後法國又提出租借廣州灣99年，廣州灣位於海南島附近，距離香港只有200英里。

喺1898年3月1日，英國就以法國租借廣州灣為藉口，要求展拓香港界址。於是喺當年今日，中英《展拓香港界址專條》就正式簽訂，並且喺同年7月1日開辦施行，英國就租借咗沙頭角海至深圳灣最短距離直線以南、今界限街以北廣大地區，以及附近二百五十三個大小島嶼以及大鵬灣、深圳灣水域，為期九十九年，成個範圍亦都係今日所稱嘅「新界」。