改建廢棄車站發現 1913年瓶中信？

阿史一向都好留意同文物有關嘅新聞，而近排喺美國密西根州底特律嘅一個廢荒車站入面，就發現到一啲另類嘅文物。

呢個車站正係1988年遭廢棄嘅密西根中央車站，擁有過百年嘅歷史，廢荒多年之後先至喺2018年由福特汽車買入，預計就會動工改建成創新中心。之不過，近日工人施工期間，就喺工地入面意外搵到一個玻璃瓶，瓶入面就有一張泛黃嘅紙張。當時施工嘅工人就馬上文物單位，當呢張紙張打開嘅時候，就發現信上寫住「來自1913年7月的問候」，署名嘅人係霍根(Dan Hogan)與史密斯(Leo Smith)，就連瓶身都仲印住1913年7月19日嘅製造日期。

咁到底呢兩位工人點解會留低呢件「文物」呢？進行研究嘅負責人就認為佢哋真係「希望有人在未來能夠找到它」，所以先會留低呢件現場200幾件唯一帶有訊息嘅物品。