今年係中國共產黨成立一百周年，位於上海嘅中國共產黨第一次全國代表大會會址近日開館，當然有唔少報道同討論。而阿史睇呢啲報道時，就發現一個幾有趣嘅點。

簡稱中共一大嘅中國共產黨第一次全國代表大會，於1921年7月响上海秘密召開，會議共由13名國內代表，代表全國50多名黨員，加上馬林、尼科爾斯基兩位共產國際代表，總共15人出席咗會議。

而有趣嘅地方係，响紀念館序廳中央就只有13位中共一大代表嘅群體銅像雕塑，當中仲有張國燾、陳公博、周佛海呢幾位响近代史充滿爭議嘅人物。佢哋三人先後脫離咗中國共產黨加入中國國民黨，陳公博同周佛海後嚟更响抗戰時期成為咗汪偽政權嘅重要人物，真係估佢唔到！

原圖：cctv