廣東省供水助港解旱

啱啱阿史見到篇報道，話今年頭五個月香港降雨量低，集中區流入水塘水量不足，唔少水塘存量可能會持續偏低水平。不過因為東江水供應穩定，所以對廣大香港市民日常生活唔會有太大影響。

自上世紀六十年代開始，香港同廣東省政府達成協議，每年從深圳水庫供水到香港。當時由於本港人口膨漲加上工業發展，用水量大增，當時香港政府一方面起水塘，另一方面就尋求內地政府幫手。其實早响1960年，香港已同廣東省政府達成協議，每年從深圳水庫供水到香港。不過，供水規模唔大。事實上，中央政府亦注意到香港水資源不足呢個問題，所以周恩來總理特批同落實廣東省供水俾香港一事。到咗1964年4月兩地政府簽訂協定，東江水於1965年3月1日開始正式輸港。亦由於東江水供港，大大紓緩香港水資源不足嘅壓力。

其實早响上世紀五十年代末，廣東省為咗供水俾香港一事已經開始籌謀，1959年6月，廣東省委正式決定興建深圳水庫，而深圳水庫就係廣東省供水俾香港嘅重點基建。至於深圳水庫嘅故事，下次再講。