話說廣大市民期待已久嘅屯馬綫全綫會喺今個月27日正式通車，而成條綫其一中個焦點當然就係宋皇臺站，早前亦都開放咗畀市民進行參觀而喺開放參觀當日，其實仲有趙氏宗室魏王系二十八傳裔孫同埋宗族成員到場參觀。唔少市民都相當好奇到底呢個站可以點樣建造之餘又保留到當年嘅古物，阿史今次就同大家介紹下啦！

喺現時嘅車站入面，港鐵就會將宋皇臺站建造期間出土嘅部分文物好似宋代貨幣、陶瓷等，喺通車當日放喺車站內文物展櫃畀公眾欣賞，而喺車站上方發現嘅古井喺未來就會原址重置，至於現時就係喺車站大堂地面同埋天花位置貼上貼紙，等乘客可以知道古井現時嘅位置同埋將來重置嘅位置，認真有意思。

而喺車站連接九龍城嘅長通道，其實仲印有多幅趣味圖文，介紹車站考古、興建過程同埋九龍城今昔風貌等，都算係一個幾有特色嘅車站。

原圖嚟自網絡