唔知史友們有冇睇過一套電影《上甘嶺》，呢部電影係描述韓戰後期一場重要戰役，被稱對美軍「攤牌行動」嘅上甘嶺戰役。喺呢場慘烈嘅戰爭當中，中國人民志願軍第15軍精銳部隊106團就成功佔領咗上甘嶺，喺明顯嘅炮火差距中令到美軍同埋聯軍久攻不下，成功守住呢個地方。呢段事跡被拍成電影《上甘嶺》，而當中連長原型張計發據報就喺近日逝世，享年95歲。

據瞭解，呢位原志願軍第15軍45師135團7連連長張計發，因病醫治無效6月15日在河南信陽逝世，享年95歲。張計發係河北省贊皇縣人，喺1942年先至加入抗日先鋒隊，1945年加入八路軍，由抗日戰爭到解放戰爭再到抗美援朝戰爭，一共負過8次傷，榮立特等功4次、一等功2次。

雖然佢係《上甘嶺》連長嘅原型，但其實張計發多年嚟都冇辦法將《上甘嶺》由頭到尾睇一次，佢表示當中原因唔單止因為戰爭比電影殘酷，更重要係佢冇辦法放低戰友情，更加冇辦法睇到「全連食蘋果」嘅果一幕。得知張計發逝世呢個消息後，唔少網民都祝願呢位老英雄一路好走！

原圖嚟自網絡