响二戰期間香港淪陷,由於當時香港一大批內地文化界知名人士响香港,所以响淪陷初期就出現咗省港大營救,响名人逃離香港期間,其實都有唔少驚險故事。

好似當時上海有一位當紅女明星叫胡蝶,佢响上海失守後就去咗香港生活。响日軍攻陷香港後,日軍就响搵一啲當時文化界名人同影視紅星,為「大東亞共榮圈」拍戲做宣傳,胡蝶就係其中一位被「邀請」嘅女星。佢見勢頭唔對,於是就通過人脈計劃逃離香港。

當時國民黨特務阿頭戴笠吩咐從事地下工作嘅楊惠敏委託東江縱隊,派員將上海市長馬俊超嘅夫人同胡蝶接走,東江縱隊港九大隊就安排之佢哋响西貢坐船離開香港。不過响出發個朝早,只係得馬夫人出現,就唔見胡蝶嘅踪影,結果馬夫人先走,胡蝶嘅行李就留低咗响碼頭。後嚟日軍就對西貢進行搜索,搵到胡蝶放行李個隻船,仲拖咗返九龍。到咗中午胡蝶先响西貢出現,胡蝶就跺腳大喊,話自己啲家當全部响啲行李度,俾人拎走晒乜都無晒。當然!佢之後都順利離開咗香港。

呢個故事其中一個有趣之處就係戴笠點解會落柯打叫人救走蝴蝶呢?下回分解。

原圖:網絡