喺每個國家歌唱愛國嘅歌曲都係一件合理嘅事，之但係近日英國教育部就舉行咗一個活動，其中就有個環節希望學生可以唱一首歌頌國家嘅歌曲，結果就引嚟英國民眾批評洗腦，到底係咩一回事呢？阿史今次就同大家介紹一下啦！

英國教育部星期一就喺佢哋嘅社交媒體上發文，呼籲全國學校喺星期五可以慶祝「一英一國日」(One Britain One Nation Day)。英國教育部就聲稱，希望學生可以通過呢個節日學識寬容、仁慈同埋尊重等等嘅美德，而成場睇落冇乜問題嘅活動，最大嘅爭議點竟然係喺唱歌嘅環節上！

「一英一國日」其中一個活動就係想學生可以歌唱一首歌頌英國嘅歌，當中歌詞開首就係「我們是英國、而我們有一個夢想，就是把所有人團結成一個偉大的團隊」（We are Britain and we have one dream, to unite all people in one great team）。由於歌詞當中唔少部分都係強調「強大英國」、「偉大國家」等等，結果就被網民取笑歌曲風格奇怪、歌詞牽強，甚至仲質疑政府係想通過歌曲傳播反蘇獨嘅訊息，唔少議員仲批評成個活動都係冇必要，真係估佢唔到啊！

原圖嚟自網絡