英國強租威海衛為針對俄國？

史友們以前讀中史世史個陣，都應該知道响十九世紀末列強出現瓜分中國領土潮，以「租借」之名實則強佔中國領土。好似英國咁，响1898年個陣除咗以不平等條約「租借」新界外，其實佢哋仲強租咗一個地方，呢個地方就係山東威海衛。

威海衛位於山東東部，處於黃海同渤海分界上，戰略位置優越。當時英國強佔香港之後，一直希望能夠响北方搵一個據點。於是，响1898年佢哋就迫清政府簽訂《訂租威海衛專條》，強租威海衛。其實當時英國之所謂睇中威海衛，有一個好重要原因，就係針對俄國向南擴張。响十九世紀末沙俄強租咗遼東半島嘅旅順同大連，因此英國覺得需要响中國北方有一個軍事據點。《訂租威海衛專條》寫明嘅租期係同沙俄強租旅順大連相同，單係呢點就知英國強租威海衛係衝住俄國而嚟。

不過，英國並無將威海衛發展成香港咁嘅貿易港口，响1930年當時國民政府收回返威海衛，結束英國對威海衛32年嘅強租租期。