早排廣州疫情再起,就有一位網絡畫家手繪畫作「核酸檢測上河圖」去描繪當時廣州嘅境況。而近排廣州嘅疫情得以控制,呢位畫家為咗感激醫護人員、社區工作者、志願者等無名英雄,就再創新作——廣州版「戰疫上河圖」。

叫得做「上河圖」,聰明嘅史友應該都知道係繼續沿用返《清明上河圖》嘅風格,而呢次嘅作品畫家吳志杰就用咗六日時間完成,同上一幅「核酸檢測上河圖」唔同嘅係,呢幅畫作唔單止係留有核酸檢測場景,仲全方位咁展示咗過去一個幾月廣州抗擊疫情嘅場景,就好似醫務人員喺醫院隔離病房設立考場、交警維持秩序、「一對一」接送隔離考點高考生等等嘅真實事件。畫作入面仲可以見到「小蠻腰」、永慶坊、中山紀念堂等標誌性建築。

有趣嘅地方係,原來廣州珠江同佛山東平河係相連嘅,如果將兩幅「上河圖」進行拼接可以構成總長2.7米、寬0.75米嘅《廣佛戰疫上河圖》,真係一幅高水平嘅作品。

原圖嚟自網絡