中環呢個銅像係邊位？

响香港回歸前，港英政府响香港矗立咗唔少銅像，咁圖中呢個銅像史友們又知唔知係邊位權貴呢？

呢個銅像矗立干諾道中同畢打街交界，銅像就係英國維多利亞女皇細仔干諾公爵。呢位干諾公爵响1890年到過香港訪問，仲為中西區填海奠基，而新填地海旁嘅馬路就命名為干諾道。响1915年，當時港英政府就為佢矗立咗個銅像响個交界位。

不過，相信都無乜史友見過呢個銅像。因為銅像响香港淪陷期間被日軍運咗去日本仲溶埋添，而銅像石座亦向1949年拆咗﹐所以大家應該未親眼見過呢個像。