借完書唔記得還可能唔少史友都試過，之但係如果借完一本書七十年後先至再還，唔知史友們又想唔想像到呢？

近排美國密歇根州安娜堡( Ann Arbor )地區圖書館就收到一個包裹，當中竟然係一本逾期七十年都仲未歸還嘅書籍。呢間圖書館收返嘅呢本書名為「安娜堡公立學校三至六年級的社會研究課程書」，係一本1929年出版，內容講述課程計劃、學習目標、活動建議等嘅書籍。

當時借咗呢本書嘅就係一位藝術女教師瑪麗·羅蘭·費舍爾 ( Mary Rowland Fisher)，佢喺1940年代就已經借閱咗，但就因為當年準備成家立室而忘記歸還，而瑪麗一直都喺安娜堡塔潘中學、北邊小學擔任藝術教師，直到1966年退休，佢本人亦都喺1967年過埋身，所以呢本書先遲遲冇人歸還。而直到近排，瑪麗(Mary)嘅新抱先至發現呢件事，仲寫埋封信畀圖書館希望可以館考慮豁免罰款，而館方亦都決定通融一次。

原圖嚟自網絡