要追溯人類嘅化石,研究古代人類嘅化石就係其中一個重要嘅途徑,而近日喺以色列海法區內謝爾·拉姆拉(Nesher Ramla)遺址入面,考古學家就搵到一具人類嘅化石,係對人類演化之謎有住全新嘅認識!

今次特拉維夫大學同埋耶路撒冷希伯來大學組成嘅考古團隊就喺呢個原址係採石場嘅遺址發現到大量史前遺物,除咗有6,000年石器、有工具刮痕嘅動物骨頭之外,其中最重要嘅就係搵到5塊人類腦殼化石同埋一個完整嘅下頜化石。

由於搵到嘅人類化石相當完整,喺對比完目前所有已知嘅原始人種之後,考古學家就發現呢具可以追溯到12萬至14萬年前嘅石器時代人類化石極有可能係一種新種原始人,暫時命名為「內謝爾拉姆拉人」(Nesher Ramla Homo)。據考古團隊推斷,呢個新種原始人嘅頭骨係同現代人類唔一樣,冇下巴之餘牙齒仲相當大,好可能就係第三種歐亞人。

原圖嚟自網絡