提起香港近年嚟嘅田徑「猛將」，相信唔少史友們應該都會聽過有一位號稱「婆婆飛人」嘅人物，佢嘅名叫做張雪玲。而不幸地，佢喺日前嘅凌晨因病逝世。

張雪玲婆婆並唔係冇啦啦開始跑步，而係喺佢個退役田徑運動員女兒場鼓勵下先至喺2016年開始練跑，當年其實張婆婆都已經92歲喇。亦都係因為呢次嘗試，張婆婆就徹底鍾意咗跑步，並且仲跑到衝出香港，喺2017年就已經同個女一齊去到韓國參加世界先進田徑比賽。由於當時張婆婆係全場最年長跑手，而佢參加嘅90歲以上組別就只係得佢一個，所以佢就順利喺60米同埋200米嘅賽事拎到兩面金牌。

其後嘅幾年，張婆婆亦都陸續參加其他國際田徑比賽，喺2019年亦都喺日本參加田徑大師賽以45.57秒贏得女子60米賽事，係港隊歷史上年紀最大嘅獎牌得主。被問到點解佢咁鍾意參加比賽，張婆婆就曾經表示，「其實我不是想拿金牌，我只想要身體健康。」

原圖嚟自網絡