門前獅子原來有雌雄之分？

唔知史友們行過路過啲傳統中式建築果陣，有冇留意到通常門前都會有一對石獅擺放呢？就咁睇一對嘅石獅外貌都係好相似，但原來佢哋都係有雌雄之分架！

門前獅子嘅獅子喺傳統嚟講就係門前獅子辟邪之物，早喺東漢時期就已有先例，當時係皇家專用，擺放嘅目的都係希望達到鎮宅護院嘅效用，而呢種傳統直到唐宋年間先至慢慢走向民間，就算嚟去到近代呢啲傳統都仍然持續。

咁問題嚟喇，雖然兩隻獅子望落都好似樣，但其實仔細觀察都會有啲唔同，仲有雌雄之分。咁到底係點分呢？原來只要觀察獅子嘅前爪就可以分到，如果獅子嘅前爪係現緊繡球，咁果隻就必定係雄獅，事關呢個行為就係權力嘅象徵；至於如果果隻獅子係撫摸幼獅，咁就一定係雌性獅子。一般嚟講，雄獅會放喺門口左側，雌獅放喺右側，所以喺中國傳統男左女右嘅陰陽哲學理論都可以分到呢點。