1937年7月7日，即84年前嘅今日，日軍詭稱一名士兵失蹤，悍然向北平豐台盧溝橋同宛平城發起猛烈進攻，日本全面侵華戰爭就此爆發，亦係中國全民族抗戰嘅開端。

响上世紀三十年代，日本响中國駐紥嘅部隊「駐屯軍」分別駐咗响天津、山海關、通縣、豐台、北平等地，為侵華作準備。1937年7月7日，駐紮北平城外嘅日軍响宛平縣城外盧溝橋附近聲稱進行夜間演習，仲話有一名日兵失蹤，要求部隊進入宛平城內搜查，遭到中國守軍斷然拒絕，結果日軍就進攻宛平城。面對日軍進犯中國守軍就開槍還擊。响7月8日至10日期間，日軍先後幾次進攻宛平城但守軍都守得住。可惜，當時日本軍方已經決定對華北平津地區作包圍，到咗七月底，平津陷落响日軍手中。而七七事變亦成為咗中國全民族抗戰嘅開端，亦係全面抗戰嘅開始。

原圖：xinhua