源於清朝、結合滿族同埋漢族飲食特色嘅巨型宴席「滿漢全席」相信唔少史友們都必定聽過。據傳「滿漢全席」係喺康熙帝66歲大壽所設，主要目的係為咗化解滿漢不和，提倡滿漢一家，當中加珍饈，極為奢華。滿漢全席可能係為化解仇恨而生，但大家又估唔估到竟然會有人為咗「重製」呢個宴席散盡家財，連老婆都同佢離婚呢？

阿史所講嘅呢位就係「石頭版滿漢全席」創作者綿陽江油人劉曉東，佢現年46歲，喺9年前先正式踏入石頭圈，當時就打算將自己烹飪技術同埋玩石呢項興趣結合，於是就開始整「石頭版滿漢全席」。劉曉東所用嘅石頭都係嚟自新疆戈壁灘，當中就有有戈壁石、瑪瑙、泥石等80幾種，而且有齊唔同形狀亦都大小不一，就好似「東坡肘子」、「黃金大餅」等等，都真係可以以假亂真！

用咗9年時間之後，雖然劉曉東完成心願，但就用咗幾百萬積蓄、老婆都同佢離埋婚，真係有得有失啊。

原圖嚟自網絡