尋日就係七七事變、全民族展開全面抗戰嘅日子，提起呢個咁令人感慨嘅日子，有史友就留言提到石原莞爾呢個人名。

石原莞爾係一位日軍軍人，軍階去到最後就係一位陸軍中將，提起呢個名相信有史友已經會諗起佢所篤信嘅「世界最終戰論」，歷來都有唔少史學家表示，如果當時日軍係按照佢呢個理論行事，喺中國嘅戰局可能會有好大分別。

石原莞爾曾經以軍事思想家嘅身份提出「世界最終戰論」，意思就即係東方同埋西方最終都會有一場大戰，而日本就應該將自己嘅勢力範圍設立喺滿洲國嘅範圍之內，唔應該全面侵略中國，咁樣做甚至仲可以以強勢嘅地位建立和談，由日本領軍同西方決戰。

而結果當然同呢套理論唔同，戰時身為關東軍作戰主任參謀嘅石原莞爾甚至仲同東條英機尖銳對立，甚至仲發動過暗殺東條英機嘅行動，後來亦都因為咁而令國際法庭冇將佢當做戰犯。喺戰後，石原莞爾就繼續發表佢嘅軍事思想，就好似「我們的世界觀筆記」、「新日本的出路」等，要求日本放棄戰爭，真係估佢唔到。

原圖嚟自網絡