人類總係重覆犯錯，經常喺唔適合嘅時間、場地做唔適合嘅事，繼早前有日本企業喺7月7日舉行全球新機發布會公然挑釁中國嘅民族傷痕後，近排又有一位內地美妝網紅罔顧苦難歷史，喺遼寧旅順博物館門口跳舞。

呢位內地美妝網紅近日就發佈咗一條影片，影片中嘅佢就著住日式「蘿莉塔」服裝喺遼寧旅順博物館門口跳舞，影片公布冇耐就隨即引嚟網民批評譴責「辱華」。事關指旅順博物館前身其實就係日本關東軍司令部舊址，而旅順呢個地方亦都發生過日軍屠殺事件，所以呢位網紅咁做正正就係激發民族對立情緒、傷害國人民族尊嚴。

影片流出之後，就連最高人民檢察院主辦《檢察日報》亦都發表咗評論文章指責事件，並且提醒大眾「我們必須銘記歷史，勿忘國恥，珍惜當下，才能真正實現民族的偉大復興，實現國家的和平發展」。

要圖嚟自網絡