好耐之前阿史介紹過西環有條鹹魚街，後尾先發現原來澳門都有條鹹魚街，又會咁橋嘅？

澳門嘅鹹魚街位於媽閣斜巷與河邊新街之間，昔日曾經係澳門其中一個鹹魚集散地。响以往澳門除咗鹹魚遠近馳名外，蝦膏、乾貨海味都係唔少外地遊客必買手信，鹹魚海味手信業一度係澳門嘅重要行業。

咁點解澳門同香港都有鹹魚街呢？呢樣就同廣東人飲食習慣有關。咁係因為港澳兩地海產豐富，唔少居民以捕魚為生。魚穫食唔晒就以鹽醃同乾曬，製成鹹魚等海味。但隨著現代人飲食習慣改變，鹹魚業已經無咗昔日嘅鼎盛。雖然，鹹魚依家好貴。