731部隊遺址核心區 考古挖掘文物再添鐵證

侵華嘅日軍喺戰時犯下唔少滅絕人性嘅罪行，其中一樣相信唔少史友都必定聽過，就係「731部隊」喇！「731部隊」實際就係一支喺二戰期間喺日本國外領土進行生物戰、細菌戰同埋人體試驗嘅秘密軍事醫療部隊，喺佢哋進行所謂嘅「研究」期間，實際就有至少10,000名中國人慘遭殺害。而關於佢哋所做過嘅惡行，近排中方就喺731部隊遺址嘅考古發掘上又有新進展。

可能有史友會問，點解731部隊嘅實驗區會成為一個遺址？原來以往四方樓遺址正係日軍進行細菌實驗、人體實驗嘅核心區域，但喺1945年8日日軍敗退之時就將呢個地方炸毀。自2004年開始，侵華日軍第七三一部隊罪證陳列館開始對呢啲區域進行清理同埋考古，所以就發現到大批鐵證。

近排侵華日軍第七三一部隊罪證陳列館就舉行咗一個展覽，展覽當中就展出咗一批首次喺考古發掘中發現嘅罪證文物113件、圖片554張，檔案資料150件套，而呢啲鐵證就係關於731部隊細菌研製、人體實驗同埋準備細菌戰嘅證據鏈。