海下灣有工業？

若果提到西貢海下灣，史友們第一時間應該會諗起個度有個海岸公園，睇珊瑚浮潛一流。咁大家又知唔知，呢個地方昔日係以工業聞名嘅呢？

史友們聽落可能會覺得好奇怪，但其實只要去過海下灣就可能知阿史聽緊乜。其實海下灣响二戰前一個盛產石灰嘅地方，响以往石炭係其中一樣建築材料，所以海下灣嘅居民就利用珊瑚同貝殼燒成石灰，再轉運到外面賣。今時今日如果史友們去海下灣，都會見到有一個復修咗嘅海下灣石灰窰，就係圖中呢個喇！

曾經一度繁盛嘅海下灣石灰工業，就响二戰後沒落，因為本地製造石灰漸漸不敵進口水泥，慢慢被市場淘汰。