喺農地上挖到古代遺物都唔係咩新奇事,但如果耕耕下田搵到四十把古代嘅武器,都真係咪話唔得人驚!近日湖北省就有一位農民挖出40鐵製物品,當時人人都以為係廢鐵,但其他農民睇睇下就覺得好奇怪,於是就搵嚟考古專家鑑定一下。

結果經過專家鑑定之後,就發現呢堆鐵片應該係出自一座上世紀已經發現、距今接近1,700年嘅古墓,而當時古墓嘅地面都已經有類似造型嘅鐵片。咁到底呢啲鐵片真身係咩呢?經過考古專家重新修復之後,就發現原來呢堆鐵片可以組成四十把古代嘅「衝鋒槍」,亦都係史書當中嘅神兵利器「諸葛神弩」。

相傳呢把武器就係由三國時期諸葛亮所設計,可以以多支箭連發,改變咗古代弓箭單發嘅局限,亦令到箭嘅威力增長幾倍,改變咗戰爭嘅局面。到底呢批文物實物會係點呢?真係期待佢哋會展出啊!

原圖嚟自網絡