每當提起毛澤東之子毛岸英,除咗話佢响抗美援朝期間戰死外,唔知幾時開始就同蛋炒飯扯上關係。近日响湖南長沙市舉行嘅「2021中國網絡誠信大會」,就有提及過呢件事。

呢個响網絡流傳嘅故仔,大概係話毛岸英响抗美援朝期間,因為唔習慣部隊嘅伙食,所以有一日開小灶煮蛋炒飯,點知暴露咗目標而被美軍空襲,因而喪命。响「2021中國網絡誠信大會」上,由中共中央網信辦舉報中心主辦、新華網承辦嘅中國網路聯合闢謠平台發布咗「涉黨史闢謠榜」,有關毛岸英因蛋炒飯喪命嘅故仔就榜上有名,被官方認定為係歪曲抹黑黨史嘅謠言。

除咗「毛岸英因蛋炒飯喪命」外,仲有「《沁園春·雪》作者是胡喬木」、「雷鋒的事跡是假的」、「紅軍長征沒有二萬五千里」等都有上榜,被官方認定係謠言。

原圖嚟自網絡