喺進行考古發掘嘅時候，搵到人骨都唔係咩意外嘅事，對考古團隊而言，搵到神秘嘅液體係佢哋相當期待嘅事，事關呢啲發現往往都會係一樣有力嘅證據了解古代人類嘅生活。而近排英國就有考古學家喺約克郡赫爾市一片墓地搵到一個裝滿神秘棕色液體嘅密封玻璃瓶。

據負責呢個項目嘅主管表示，今次發掘嘅墓地係當地有史以嚟最大嘅一塊，當中就有1500具由1783至1861年嘅人類骨骸，當中就有一具骸骨嘅雙腿之間裝有一個密封玻璃瓶，本身佢哋推斷會係尿液，但經過測試之後團隊就發現呢啲液體入面含有鈉、鉀、磷，但不含任何藥物材料。

至於墓主本身就係一個患有佝僂病及骨質疏鬆症嘅60歲婦女，之所以會咁樣呢個玻璃瓶，好有可能係因為呢種飲品喺19世紀好受歡迎，被宣傳到令人以為可以治療百病包括肺結核，至於具體呢種液體有咩功用，就需要進一步化驗先知！

原圖嚟自網絡