頭先阿史提及過1991年演藝界主動發起「演藝界總動員忘我大匯演」為華東水災災民籌款,香港演藝界仝人仲拍咗套電影《豪門夜宴》籌款,成為一時佳話。

呢套電影叫《豪門夜宴》,由徐克同埋張堅庭共同拍攝執導,當年好多大牌明名知名藝人都有參與,包括曾志偉、鄭裕玲、周星馳、張國榮、洪金寶、梅艷芳、劉德華、郭富城、張曼玉、王祖賢、關之琳、沈殿霞、董驃、林子祥、吳耀漢等等等等超過200位明星參與,呢個陣容真係有今生冇來世。除咗演員陣容前所未有咁強卡士,另一個厲害之處就係套戲只係用咗四日就拍完,一眾演員為籌款賑災出力,真係好難得。

原圖:《豪門夜宴》電影海報及劇照