1921年7月23日,即一百年前嘅今日,中國共產黨第一次全國代表大會响上海召開。
之前阿史都介紹過,至於中共一大舉行嘅日子,就係到上世紀七十年代官方經考證後先確定到係1921年7月23日。當年毛澤東、董必武等13位各地共產黨早期組織代表,同馬林、尼克爾斯基兩位共產國際代表到咗上海,秘密响法租界望志路106號準備召開代表大會成立中國共產黨。
中共一大舉行初期,會議一直順利進行,但到咗7月30日,法租界巡捕房派人到會議舉行地點探查,於是一眾代表轉移到嘉興南湖繼續舉行大會。就係咁,中共一大得以順利閉幕,中國共產黨正式誕生。
原圖:畫說中共一大