「少年智則國智,少年富則國富,少年強則國強。」呢幾句話係來自梁啟超散文名作《少年中國說》,阿史呢幾日响網上見到有文章話國家隊奧運代表响東京奧運中,年紀輕輕就獨當一面,印證「少年強則國強」呢個觀點,唔知史友們有無同感呢?

「少年強則國強」呢句話史友們都應該聽過,咁大家知唔知係出自邊位名家之手呢?答案就係梁啟超喇!「少年強則國強」呢句話係出自於梁啟超嘅散文作品《少年中國說》,呢篇散文係1900年2月10日發表响《清議報》上,梁啟超响文章就話外國視中國係一個老大帝國,所以號召當時嘅中國年輕人為「少年中國」而奮鬥,文中仲有以下呢幾句名言:「少年智則國智,少年富則國富,少年強則國強,少年獨立則國獨立,少年自由則國自由,少年進步則國進步,少年勝於歐洲,則國勝於歐洲,少年雄於地球,則國雄於地球。」

梁啟超寫完呢篇文後就開創咗一個潮流,由此當時中國國力積弱,唔少年輕人特別係知識份子都對時局不滿,希望發奮圖強,所以唔少當時嘅年輕人見到梁啟超呢篇散文後,就好有認同感,所以就唔少年輕人都以「少年」做筆名,連李大釗都曾經發起過「少年中國學會」。嘩!呢啲外號同「江門古天樂」有乜分別?

原圖嚟自網絡