話說有睇到今日奧運直播嘅史友可能都會知道,今日一位「00後」嘅小將楊倩喺射擊項目女子10米氣步槍決賽為中國取得第一個金牌,事後佢就火爆全網,呢位21歲嘅年輕選手唔單止射擊叻,現實生活更加係一個清華嘅學霸,就連許海峰都忍唔住拍返條片讚下佢!

今次東京奧運中國取得嘅首金真係意義非凡,事關喺好多之之前中國第一個奧運金牌都係嚟自射擊項目,而取得「零的突破」嘅人正正就係許海峰。許海峰最初其實係供銷社嘅一個化肥推銷員,機緣巧合之下就加入安徽省射擊隊,喺早年缺乏資源同埋支援嘅情況下,佢就已經成功喺1984年五運會奪得兩個銀牌,喺1984年佢仲參加埋奧運男子自選手槍項目,以566環成績奪得呢屆奧運會首枚金牌——50米手槍慢射金牌。

時隔20年之後,有記者問佢成為首位奪得金牌運動員有咩感覺,佢就表示自己之所以係首位拎到奧運金牌嘅中國運動員只是由於射擊項目較早舉行佢先可以有呢個美譽,而現時呢面無價嘅金牌就陳列喺中國革命博物館。而喺今日,許海峰都後輩楊倩送出祝賀,他喺一段短片表示,「楊倩你好,恭喜你拿下東京奧運會的首枚金牌,對於這樣的成績,我只能用四個字來形容——YYDS,中國隊永遠的神。」

原圖嚟自網絡