「誰說黃種人不可以拿到奧運會前八名,我今天一定要證明給大家看,我是奧運會冠軍!」阿史記得當時响電視聽到呢句話,覺得霸氣得嚟又好令中國人驕傲,而講呢句話嘅人,就係2004年雅典奧運金牌得主劉翔。

响2004年雅典奧運,田徑場上嘅男子110米跨欄項目,有一位黃皮膚黑頭髮嘅中國人站响起步線上,佢就係當年年僅21歲嘅劉翔。劉翔响佢19歲個陣已經成名,响多項亞洲區賽事中奪冠,2003年亦响田徑世錦賽中勇奪銅牌。所以响04年雅典奧運中,佢就被視為中國能响田徑項目上取得獎牌嘅希望。雖然响個屆奧運會百一米欄準決賽佢成績麻麻,總成績只係排第四,但佢响決賽憑住出色表現,由頭帶到尾衝過終點,仲破埋奧運紀錄。佢賽後接受訪問時就咁講:「不要以為亞洲或中國運動員在短跨項目不如歐美,我會用實際行動證明,亞洲有我!中國有我!」夠晒霸氣!

原圖嚟自網絡