少年劍神張家朗勇奪奧運金牌,全城忽然對劍擊運動高度關注。其實香港劍擊選手响國際賽上取得佳績唔係乜嘢新鮮事,以往就有港隊代表贏過金牌。
阿史講緊嘅就係輪椅劍擊運動金牌得主張偉良。張偉良响1982年加入香港消防處,但响1983年一次救災行動中不幸遇上山泥傾瀉,响走避不及導致身受重傷,左小腿更因受細菌感染而被迫切除。雖然面對咁大困境,但張偉良依然積極面對人生,轉任消防處文職工作嘅佢,响1999年獲晉升為助理消防區長。此外,佢積極練劍,成為香港輪椅劍擊隊代表,仲取得好好成績。特別係响1996年亞特蘭大殘奧中佢取得輪椅劍擊四面金牌,成為香港劍擊界一代傳奇。
原圖:hksapd.org