李錦記第三代傳人、曾經位列《福布斯香港富豪榜》第三位嘅李文達喺日前安詳離世，享年91歲。
呢位傳奇人物係喺澳門出世同埋成長，係李錦記創辦人李錦裳嘅孫，人稱「蠔油大王」。佢喺初中畢業果陣就先出去外面發展，後來喺1954年回歸家族事業。而去到1960年，李氏家族大房及二房就有意出售家業移居海外，喺父親李兆南支持下，李文達向另外兩房收購李錦記餘下股份，並且喺1972年接任公司主席。
隨後，李文達就為李錦記引入海外最新管理文化及技術，令到李錦記集團逐步成為大企業。李錦記唔單止手執中式醬料行業，踏入90年代更加做保健、家居產品、物業投資，難怪李文達家族會被《福布斯富豪榜》列為香港第六大富豪之一。
原圖嚟自網絡