體育從來都係振奮人心，亦都有住獨特嘅魔力，喺全港市民一齊見證「劍神」張家朗拎到奧運金牌之後，全港都牽起一股劍擊熱，唔單止有好多家長為子女報讀劍擊興趣班，甚至仲有唔少劍擊相關嘅新聞慢慢報出嚟。

近排阿史就留意到一則新聞，大概內容就係話香港劍擊隊盛產男神，而有一個名阿史見到都覺得出奇，呢個名就係王嘉爾喇！王嘉爾喺國家隊女子劍擊運動員孫一文重劍項目贏得金牌果陣就曾經發文祝賀，而隨後傳媒就報道原來佢喺去韓國做歌手之前，就曾經係香港劍擊運動員，亦都喺12歲嘅時候贏過全運會冠軍。2011年亞洲青少年劍擊錦標賽，王嘉爾仲獲得花劍個人冠軍，成為亞洲第一劍，屋企啲獎牌多到數唔晒。

之不過，後來佢為咗追逐音樂夢而放棄成為運動員，可能佢就係一個被唱歌耽誤咗嘅「劍神」啦！

原圖嚟自網絡