早幾日就同史友們講到香港歷史上喺奧運當中得到嘅獎牌唔止得四塊，事關其實有個「神奇小子」默默地為香港奪得好多塊殘奧金牌，甚至仲係殘奧世界紀錄保持者，而佢嘅名叫做蘇樺偉。

蘇樺偉自1994年參賽以嚟就獲獎無數，並且不斷突破自己，真係堪稱係一個「神奇小子」。作為一個曾經四次參賽殘奧嘅殘障運動員，蘇樺偉就寫過本書《赤道上的金牌》去講述呢一段段難忘嘅經歷，而令佢最難忘嘅絕對就有2008年京奧比賽。當時蘇樺偉參加北京殘奧會男子100米T36級別決賽，但呢次衝線蘇樺偉就只係得到銅牌，面對呢個失意嘅結果，當時喺衝線點即時安慰佢嘅並唔係教練，而係劉德華。而呢個畫面，蘇樺偉同劉德華相擁嘅動人鏡頭，就成為咗傳頌多年嘅感人事跡。

到咗後來蘇樺偉屋企經濟出現問題，劉德華甚至仲邀請蘇樺偉去到佢歌迷會擔任文職工作，為呢個精英運動員提供咗強大嘅後盾。

原圖嚟自網絡