中國女籃第一大腿──鄭海霞

提起奧運嘅比賽項目，相信唔少史友都會即時諗起國家隊嘅舉重、跳水、女排，但其實喺以前，我地嘅女子籃球都相當出色，當時就有一個被稱為女籃第一大腿嘅傳奇人物，佢叫做鄭海霞。

鄭海霞早喺1979年就開始接受籃球訓練，並且喺三年之後進入國家隊。入到國家隊冇耐，佢就已經喺1984年奧運入面拎到銅牌、1986年亞運會冠軍；而去到1992年，佢仲帶隊幫中國隊拎到奧運銅牌，當年佢仲係得分王，成績真係相當優異。

而喺奧運過後，鄭海霞仲喺1994年世界籃球錦標賽取得亞軍，佢其後受邀去WNBA洛杉磯火花隊，係首位進入WNBA亞洲女球員。之但係，佢喺次年比賽中嚴重受傷（腰部和腿部）最終被迫退役。