東方神鹿王軍霞

今屆奧運田徑項目已經開始，國家隊代表唔少健兒都响田徑場上展示實力。今次阿史要介紹嘅，就係昔日响奧運場上長跑項目取得驚人成績嘅東方神鹿王軍霞。

王軍霞自小就熱愛田徑運動，响佢18歲個年，就被遼寧田徑隊教練馬俊仁睇中，王軍霞就開始接受訓練成為「馬家軍」一員。王軍霞响1993年斯圖加特田徑世錦賽上獲得10000米的金牌。之後响1996年亞特蘭大奧運會上奪得5000米金牌，成為中國第一位獲得奧運會長跑金牌的運動員，並被譽為「東方神鹿」。不過响個屆奧運後，王軍霞由於一直身體狀況不佳，最終佢選擇激流勇進，告別跑道。

不過响王軍霞光輝背後，多年嚟始終擺脫不了與前教練馬俊仁嘅恩怨。1994年，王軍霞在內嘅馬家軍「兵變」全體隊員十幾人表示要退出遼寧中長跑隊，退隊原因眾說紛紜，有人話一眾隊員頂唔順馬俊仁殘酷訓練，又有話馬俊仁企圖性侵女隊員，又話馬俊仁迫隊員使用興奮劑搞到大家都受唔位。甚至有指馬俊仁對王軍霞叛變特別嬲，仲計劃响亞特蘭大奧運會要新「馬家軍」隊員响場上整傷王軍霞。