近日我國嘅百米飛人蘇炳添就創造咗黃種人嘅歷史,喺奧運嘅百米決賽當中跑入十秒嘅時間,雖然去到最後佢並冇得到獎牌,但已經成為唔少國人心目中嘅英雄。可惜嘅係同人唔同命,喺1936年德國柏林奧運會就有一位美國田徑運動員即使拎到四冠,返到自己國家仍然受到冷待。

阿史所講嘅呢位仁兄正係美國黑人跑手Jesse Owens,喺後世睇嚟Jesse Owens係得到美國田聯最高榮譽,喺1981年就有一個以佢命名嘅獎項用作表揚每年出色嘅田徑選手,之但係呢位喺德國柏林奧運會男子100米、跳遠、200米以後4×100接力賽分別拎到四個金牌嘅運動員,雖然係比賽當中得到全場運動員同埋觀眾嘅掌聲,甚至喺街頭上都有柏林市民問佢拎簽名,但當佢返到美國果陣Jesse Owens後來就憶述,無論係時任總統羅斯福,定係下任總統杜魯門都冇對佢有任何表示,更加唔好講咩榮譽。Jesse Owens甚至仲表示,當時喺德國希特拉都冇怠慢佢,估唔到返到自己國家連一紙賀電都收唔到。

呢位傳奇人物要去到1955年先至有艾森豪總統認同佢嘅成就,而呢一切都係同種族歧視有關,真係唔容易啊!

原圖嚟自網絡